“Kada sam se vratio iz Kaira, krenuli su ratovi. Odlazio sam u Bosnu do jednog trenutka, dok nisam sjedio sa jednim svojim poznanikom u kafiću ‘Freska’, on je tada bio jedna muvara gradska, a poznavao sam razne gradske muvare, pa se javio na telefon i priča sa nekim. Ne bi li se pohvalio, kaže: ‘Sjedim sa Boškom Jakšićem.’ I da mi telefon…”, priča za novi Nedeljnik jedan od najpoznatijih srbijanskih novinara Boško Jakšić.
“Sa druge strane čujem: ‘Ti da se tjeraš u p… da te više nikada u Bosni nisam vidio.’ Vratim telefon, i ovaj prekine vezu. Pitam ko je to, a on kaže: ‘Ratko Mladić.’ Imao sam iskustva u pokrivanju ratova. Prva žrtva rata je istina, to je staro pravilo. Rekao sam u ‘Politici’ da imamo rat u susjedstvu, a da nam rat prate lokalni dopisnici. To su ljudi koji zavise od lokalnih sredina. Ja sam tada bio urednik spoljne rubrike i rekao sam: ‘Evo, ja ću ići…’ Lomatao sam se kamionima od Zvornika do Banje Luke, ali sam htio i pisao na jedan drugi način. Naravno da sam dočekao da mi Ratko Mladić kaže tako nešto.
Priznajem, nisam revolucionar, kada mi je Ratko Mladić to rekao, u Bosnu nisam više otišao”, ispričao je Boško Jakšić.
(TBT, Nedeljnik)
